O Sandamama Song Lyrics

నువు జల్లే ఎన్నెలంతా..

చల్లగుందని మిడిసిపోకే.. ఓ సందమామా

తన ఒళ్ళు కాల్చి..

ఎండ నీకు వెలిగిపోయే గుణమిచ్చిందే.. నా సందమామా

సందె ఏళా.. కుంగుతుంటే..

గెలిసినావని సంబరపడకే.. ఓ సందమామా

కణకణా నిప్పుల.. కణికవొలే..

పొద్దుపొడిసే.. తెల్లవారీ.. నా సందమామా

కీచురాళ్ళ సప్పుడు సేసి..

ఘోసపెట్టినాననుకోకే.. ఓ సందమామా

మబ్బు చేసే.. గర్జనలింటే..

దద్దరిల్లి.. ముక్కలైతావ్.. నా సందమామా

ఆకుపచ్చని అమ్మతోటి..

ఆకతాయి ఆటలొద్దే.. ఓ సందమామా

నిన్ను కూల్చగ..

జమ్మిచెట్టునా ఆయుధాలను దాచుకుందే.. నా సందమామా

సుట్టు సుక్కలు ఉన్నయంటూ..

సూసి నువ్వు మురిసిపోకే.. ఓ సందమామా

నీ సిట్టసివరి దారిలోనా..

నీడ కూడ తోడురాదే.. నా సందమామా

సీకటంతా తాగి నీవు..

సిత్తరంగా సిందేయకే.. ఓ సందమామా

అమావాస్య ఘడియ నీకు..

ముందరున్నదని మరిసిపోకే.. నా సందమామా

నేను నేననే పట్టుతోటి..

నీకు నువ్వే దూరం గాకే.. ఓ సందమామా

నువ్వు పుట్టక.. ముందే పుట్టే..

నువ్వు పోయినా.. ఉంటదే లోకం.. నా సందమామా